من اشعار /عبد القادر الخالدي

قصيدة :


زندها يشالي

الشاعر: عبد القادر الخالدي



زندها يشالي وجايه ..خلي ... خلي
موت يا العكلي و تركب العين عبرة

لابسة الغالي .. محلية من كل حلي
ناشره غوالي اللي استنشقهم يطرا

خدها سهيلي وعينها... ويلي... ويلي
دقت الموالي يسخا على ذيك الخزرة

كي الموج يغلي على صدر بلبل بالي
ساكن العلالـــي، يهز لنسيم البكره

صافية تلالي هلال في عشر ليالي
في سماه جالي على العوالم يتبرا

يا الساقي املي وغدر قنصالي
جاء على التوالي غرام يمينة غدرة

***

جات في خطاها تهلك اللي يلقاها
كل من رمقها بعين بالعين رماته

سر في نظارها يخبل اللي ينظرها
كون ينظر لها الميت القلب احياته

جايه تلالي العافنة ميلي ... ميلي
يا ريم خللي الشيخ يروى بالنظره

ليك مالي الكل منين خزروك انجالي
خوضوا زلالي عيون عندك سحاره

غاليه وعاليه الغيد من دونك سفلي
كي الباي دالي ترهبي جاه و ثوره

ما ملك عقلي ولا بقيت على رسلي
مـــاك يدولي القلب و حيت الجمره

ما عرفت للحب اولي ... ولا تالي
تخبلوا غزولي ولا وقفت على جارة